Былай ғой, нақ-нақ үш ақпаратым бар. Бір сөзді он сөзге көбейтетін өнерімді қоспай-ақ қояйын :-). Біріншісі, «Мінбер» қорының дәстүрлі семинары басталады. Бұйырса.
Алматыда осы айдың 27-28-інде, Астанада маусымның 24-25-інде өтеді деп жоспарлап қойыпты. Енді бұ л семинарда миыңызды су қылып, сусабын сатудың тәсілін көрсетпейді. Оқуды жалғастыру
«Не дейміз, сөзге кедейміз. Одан да жазып жіберейін» деп жаланып тұрған жорналшының біріміз (солай деп ойлап қоямын да). Жұмыс орнымның «Халық сөзі» екенін білесіздер, ал қаншалықты халықтың сөзін айтып жүргенімізді білмедім. Сонда да ақпарат сеңінде сенделіп, жүйкең түтіліп жүргені сол. Содан да, тайлы-тұяғымыз қалмай, табиғат аясына шығуды біраздан армандап жүргенбіз.
Құдай жарылқап, коммерциялық нәсяйнигіміздің туған күні келе қалғаны… Қыстап жібердік, «қатырамын» деді. Қысқасы, өткенде Астанадан 18 шақырым алыстағы «Балқарағай» демалыс аймағына тартып тұрғанбыз. Естеріңізде болса, бұл жерге бұрын да келген едім. Төрт қабырғалы офис-тордан соң мына табиғаттың сұлулығын көріп, жынды адамдай жымың қағып жүрміз. Оқуды жалғастыру
"Ал, Сәке, әу деп жіберіңіз"
«Хабарда» көп айтылатын қалада тұрып, Астананы айта беретін арнада жұмыс істейтін досымды білетін шығарсыздар? Сол «маладес» Мұраттың айтқыштығы бар ғой, бірде «сендердің газеттеріңе «Халсөз», ал өздеріңе «Халсөзниктер» деген ат қойдық» деп еді… Демек, «Халсөзник» ретінде «Халық сөзі» газетінің қырқынан шығып, қарын шашын қырқып, қара тырнағын алғанын айтпасқа амал болмай тұр.
Назарбаев универі. Асхат Еркімбайды күтіп отырған сәт.
Жұмыс күні. Или түні.. Жанарың монитормен, миың микрочиппен, жамбасың орындықпен… общым, бәрі «занят». Жүрек шіркіннің де қақпасынан қыл-қыбырын қырыққан аяқтың сыңары шығып жатады. Знәшіт, ол да «занят». Комптың көзі жылтырасымен, ақпараттық мәзірден асап-асап, жортқан спам, жүгірген хатты жұтқыншаққа салып көресің. Мәйл-агент.. Туиттер, Джимейл, Фэйсбук… Оқуды жалғастыру
Астанаға келгендегі алғаш естіген сөзім осы болды. Ия, осы уақытқа дейін Елордаға қоныс аудағанымды айтуға уақыт таппай келгенмін. Білсеңіздер, «Халық сөзі» деген аптасына 2 рет шығатын қоғамдық-саяси апталық халқына жол тартты. Сонда саяси шолушымын. Әрине, әзіргі тиражы – 2000 дана. Әсіре даттау да, асыра мақтау да жоқ. Лажы болса, арқанның үстімен жүретін акробаттай, сан тараптың мүддесін тең ұстауға тырысамыз деп қояйын. «Көш жүре түзеледі» деееп жүре бермей, аяққы бір аптада қал-қадірімізше жұмыс жасап жатқан жайымыз бар. Оқуды жалғастыру
Өркеннің өрнегі 