Қартайдым, қайғы ойладым

«Қараптан-қарап қуасың-ей?» Осы сұрақты Өркен өзіне қоймады дейсіз бе? Қойды, әрине. Бірақ, 25-тегі жігітті 40-тың қызығы еліктіріп қоймапты енді. Жазып құтылайын депті… Жазсын. Қазекем өзі жас ерекшеліктері психологиясын жастанып оқымаса да, адам жасына сай амалдарын атап-атап кеткен. Бірден жүзге дейінгі кезеңді жіктеп, жырына қосып, ұлағат

«Уикиликс». Тыңдалған телефон

Wikileaks сияқты «зайырлы» өсектің ордасында осы аптада мынадай өсек шығыпты дейді қағылез Интернетшілер. Өткен айда көрші елдердің баспасөзінде Қазақстан Коммунистік Партиясының серкесі Козлов пен Аустрияның үлгілі бюргері Рахат Әлиевтің телефон арқылы әңгімесі жария болды. Сол күйі Интернетке «сливать» етілген «құнды» әңгіме іле-шала із-түссіз жойылып кеткен (орыс, ағылшын тілдерінен аударылып беріліп отыр.

Күлгің келеді-ақ…

бірақ, күлуге ыңғайсыз ба? «Алдау күні мен Сайлау күні бір-біріне қандай жақын және ұқсас?!» деп Сәкен ағам (Сыбанбай) айтқандай, мына ұсынып тұрған әнектер осы екеуі туралы. Тимур Коман жіберіпті.

«Цирк кетті, клоундар қалды»

Орыстарда осындай сөз бар еді ғой… Клоун осы қалпында ұнағандықтан, қазақшалағым келмеді. Айдос Сарымның «бұрын … спектакльмен, кейін киномен салыстырушы едік, енді циркпен теңестіреміз. Сонда бұл кері қарай эволюциялану, жанрдың энтропиясы, саясаттың девальвациясы емей, немене?» деген пікірін оқып қалып едім. Рас қой. Әбүйір болғанда, «әп-әдемі ән еді, пұшық айтып қор қылдының» керін келтірген сайлаудың әдепкі кезеңі бітті. Кеше президенттікке үміткерлерді ұсыну аяқталып, көш бастауға артық-кемі жоқ 22 адамның ниет білдіргені анық болды. Бұрын-соңды болмаған жағдай десе де болады.

Алдарыңызда… «абсурд театры»

Былай қарасаңыз, биылғы сайлауға көшелі сөз айтып, келелі іс бастайтын азаматтар емес, көршісінен басқа ешкім көрмеген, туысынан өзге ешкім танымаған кісілер киіп-жарып қатысып жатыр. Бұнысы сайлауды сайқымазаққа айналдыру ма, әлде демократияның көрінісі ме, білмедім. Білетінім – бұл абсурд театры. Оғаш театрдың кейіпкерлері көзіңнен жас ағызатындай қайғылы емес, ішек-сілеңді қатыратын сайқымазақ та емес. Бірақ, күлкілі көрінеді. Күлкілі бола тұра,

Пақырдан патшаға дейін… Прелюдия

Кекілді кері қайтарған сайлаудың самалы күн санап күш жинап келеді. Аптаның соңын ала бере, Орталық сайлау комиссиясы алдағы науқанның амал-шарттарын анықтап тастады. Комиссия төрағасы Қуандық Тұрғанқұлов сайлауға түсетіндердің додаға шашатын ақшасының 431 млн 973 мың теңгеден аспауы тиіс екенін ескертті. Қалта қамынан бөлек, үміткерлер еліміздің 14 облысының кем дегенде тоғыз облысында тұратын 91 мың сайлаушының қолын жинауы керек болады. 

«Жазықсыз» жұмыртқалар…

Осының алдында ғана «Қолдан жасалған «қаһармандар» деп, оппозициядағы сабаздарды сынағандай болғанбыз. Сол материалымызда олардың қай шарасы болмасын, «бейнелі түрде, тауық жұмыртқасын басқа қырынан қарағанмен бірдей» деген де теңеу кеткен…

Саяси комикстің сабаздары

Баяғыда ауыл балалары жекпе-жекке шығарда, «қане, сен шық, жоқ, сен шық», – деп, бірін-бірі итермелеуші еді ғой. Болмаған соң, ортаға білегінде күші барын емес, «жоқ» деп айтуға да жігері жетпейтін жасығын шығаратын. Күштінің төмпешінен көнбіс баланың жасына ерік бергені де, танауынан қан аққаны да қаумалаған балалар үшін қызық… Ал, өткен аптада саясаттағы «жекпе-жек», яки Президенттік сайлауға түсетін пенденің есімі белгілі болды.

Лаумулин қайда «лақты»?

Бізде ҚР Президентінің жанындағы Қазақстанның стратегиялық зерттеулер институты деген құрылым барын білерсіз. Сол институттың сарапшысы Мұрат Лаумулин «Эксперт-Онлайн» басылымына берген сұхбатында «Ұлтшыл-патриоттар мен исламшыл саясаткерлердің ымыраға келуіне жол бермеу керек» деген пікір айтып қалыпты. Біле жүріңіз, біздегі саясаттың ұлы мақсаты да осы көрінеді. Лаумуллиннің лек-лек ойына лайықталсақ, отанымызда Ислам оппозициясы пайда болса, қазіргі қорқынышымыз оның қасында ойнамай қалады.

Ода айтудан отырыс

«Ғаламды сандар билейді» деген Пифагор пәлсапасын бүгінде Ассамблеядағы ардақтыларымыз патенттеп алған сыңайлы. Неге деген негізді сауал туса, Қазақстан халықтары Ассамблеясының отырысы 2010 жылдың 20 қазанына (20.10.2010) тураланды. Бұдан қалса, бұл Ассамблеяның XVI сессиясы һәм аталмыш ұйымның XV жылдық мерейтойына дөп келіпті. Ресми баяндарда рим сандарын жазғандықтан, өзгертіп, өңдеп, ешкімді ренжіткіміз келмеді. Бұл да бір символика шығар, кім білсін…

«Жаңарту» ма, «Жаңару» ма?

Апта басында мойынын қылқитқан мәлімет «Жаңару» деген жаңа партияның ай-күні жетіп, жарыққа шығуға қамданып жатқанын айтады. Қазақстан мұсылмандар одағынан ескен жаңалықтан есте қалғаны… партияның көшбасшысы Артурзиньо Сәбденов (!) деген кісі. Жаһантордың іздеуші «иттері» бұл есім-сойдың төңірегінде тілдері салақтап, орнын тіміскілеп жатты.