Жезқазған қаласынан солтүстік-шығысқа қарай 88 шақырым жерде Теректі әулие кешені бар. Ежелгі кен өндіру орындары, көне мазарлар сақталған гранитті төбелердің бірінің жұрт арасындағы жалпақ атауы – «Сырғанақ».
Себебі, екі қолыңды тіремей, осы тастың үстінен төмен сырғанасаң, тілегенің орындалады деген сенім бар. Кім шығарғанын кім білсін, бірақ бұның қандай да бір ережеге қайшы болып тұрғаны болмаса… Ол қандай ереже болды екен? Оқуды жалғастыру
Қытайлықтар тағамдық қоспаның жаңа түрін ойлап тауып, оны 45 юаньға бағалап, оже шығыс провинцияларында сатылымға шығарып жіберген көрінеді. Сонымен, бұл пастаның сұмдығы да сол,
алдыңыздағы доңыз етін әлдебір мақұлықтың (жарайды, мал дейікші) етіне әп сәтте айналдырып жібереді. Құдыретін жазып қойыппын-ау, бірақ тумысынан шошқа еті қай малдың еті болып кетуі мүмкін? Оқуды жалғастыру
Мәдине қаласы. Мұхаммед Пайғамбарымыздың (с.ғ.с) мешіті (әл Мәсжид ән Нәбәуи). Мына азаматтардың бірі қолын жайып, дұға қылып, енді бірі намаз оқуға ниеттеніп тұрған сияқты… Бірақ, осы арада бір өрескел қателік бар. Кім бірінші байқар екен?
Газетімнің өткен санында Оңтүстік Африка Республикасының мектептерінде қолданылатын саяси картадан жұмбақ жасырғанмын. Бізге қызық болып көрінеді-ау деген екі ерекшелікті табыңыз дегем… Алғашқылардың бірі болған журналист-блогшы Салтан Сәкен болды.
Мысырдың төртінші президенті болған Хосни Мүбәрак өз тағында отыз жыл отырды. Билеуші кетісімен, оның көлеңкесіндегі көп сыры ашыла бастайды емес пе? Бұл жолы да байқампаздар Мүбәрактың костюмінен «мін» тауыпты. Ол не болды екен? Оқуды жалғастыру
Көзіңізді қылитып қарасаңыз да, сығырайып сығаласаңыз да, бұл орманның ортаңғы белі қоңырқай тартып кеткенін байқайсыз (байқамай көр). Бұл не қылған аномалия болды екен демес бұрын, аймақты алып кеткен суға назар салыңыз (сал, салма – өз ырқыңыз). Сонда бұл не? (Өрт шалған ба, құрт басқан ба, потошоп па?)
Әрине, бұл жерде біз сайтман достарымыздың гүлтанудағы білім деңгейін тексермейміз. Бұл гүлдерді біреуі нарцисске, біреуі орхидеяға ұқсатар… Ой, өзі бұл әдемі өсімдіктің әр алуан түрі бар ғой, тәйірі. Танып боласың ба… Бірақ, бұл гүлдер тек Тайландтың бір ауылында ғана өседі екен. Енді зерттей қарасаңыз әм жоғарыда айтылған сөздердің кейбірін ауыспалы мағынада бергенімді ескерсеңіз, жұмбақтың жауабы шаш жұлатындай қиын емес болып шығады.
Жұмбақтың жауабы ішінде
Бұл фотосурет Қазақстан мұсылмандарының V Құрылтайы кезінде түсірілген (бірақ, мен емес). Бұл жиынның жетістігі Әбсаттар қажының өкілеттілігін 2015 жылға дейін ұзартқанымыз болып еді, білесіз. Енді мына фоткадағы кіл сәлделердің не кереметі бар дерсіз. Айтпақшы, неге сыртта тұрсыз, былай жазбаның ішіне кірсеңізші! Жұмбақ-сурет осында ғой…
Бұл "шабадан" КСРО-да, өткен ғасырдың 70-ші жылдары сатуға түскен. Бірден айтайын, портативті атом бомбасы емес, қайта халықтың тұрмысына қажет деп шығарған. Сонымен, бұл не болды екен?
Жауабы: Бұйыртса, бұл көпір Гонконг пен Қытайды жалғастыратын болады. "Pearl River Necklace" жобасының мұндай формаға ие болу себебі - Гонконгта көлік қозғалысы сол бағытта, ал Қытайда оң бағытта. Осыдан келіп, сәулетшілер көпір жобасын оң және сол бағыттағы көлік ағымына ыңғайлауға тура келген...
Жауабы: Құрманбек БӘКИЕВ. Жандайшаптарымен бірге Жалалабадқа қашып бара жатқан кезі
Өркеннің өрнегі 