Қостанайдағы темір шыбықтар қалай «өседі?»

«Kazakh Invest» ұлттық компаниясы ұйымдастырған Қостанайдағы пресс-тур кезінде бірнеше инвестициялық жобаларды қарастырдым. Олардың әрқайсысы –  бірегей. Көбінесе ауыл шаруашылығы өнімін өңдеумен байланысты зауыттар болды. Бірақ жалпы тізім ішінде болат илем бітімін өндіру жөніндегі зауыт ерекшеленген еді.

Қазақстандағы ЛУКОЙЛ зауытында қандай май шығарады?

2016 жылдың күзінде «ЛУКОЙЛ Лубрикантс Центральная Азия» ЖШС мен «Kazakh Invest» ұлттық компаниясы (ол кезде «Kaznex Invest» деп аталды) өзара түсіністік меморандумына қол қойды.

Майлау материалдарын өндіру жөніндегі зауытты салу үшін Алматы облысының Іле ауданы (Байсерке және Жетіген ауылдарының ортасы) таңдалды, себебі ірі темір жол және автомобиль жолдарының қолжетімділігі шикізатты жеткізу және өнімді Қырғызстан, Тәжікстан, Өзбекстан, Монғолия, Ауғанстан және Қытай сияқты елдерге жеткізу логистикасын айтарлықтай оңтайландырады.

Қазақстандық кілемдер IKEA компаниясына қалай жетті?

Қазақстанда кілемдерді үйдің ішкі көрінісінде пайдалану мәдениетінің тамыры тереңде жатыр. Сонымен бірге көп жылдар ішінде дәстүрлер мен оларды тұтыну көлемі айтарлықтай төмендеп кеткені өкінішті.

Қалай ойлайсыз, елімізде қанша кілем және кілем бұйымдары өндіріледі? Бұл ретте Қазақстанда жыл сайынғы тұтыну 12,5 млн текше метр кілемді құрайды. 2012 жылы Қазақстанда бар жоғы 5,7 мың текше метр өндірілді (тұтынылатын көлемнің 0,04% бөлігі). Алайда бұл жағдай Шымкент қаласында «Оңтүстік» АЭА-да «Бал Текстиль» кәсіпорны пайда болған соң қатты өзгерді. Мен ол жерде «Kazakh Invest»ұлттық компаниясының шақыруымен болып қайттым.

Шымкенттен аяқкиім де шығады

«Lux Shoes» – «Kazakh Invest» ұлттық компаниясының өкілдерімен бірге барған Шымкент қаласының «Оңтүстік» арнайы экономикалық аймағында орналасқан екінші кәсіпорын.

Қазақстанның ең заманауи диірмені

Заманауи зауыттар үйреншікті білдектер жиынтығына қарағанда фантастикалық фильмдер көрінісін еске салады. Барлық үдерістер нағыз перфекционистердің өздері риза болатындай етіп құрылған. «Kazakh Invest» ұйымдастырған Қостанай қаласында пресс-тур кезінде мен қуаттылығы тәулігіне 700 тонна бидай немесе жылына 155 мың тонна ұн өндіретін «Бест Костанай» ЖШС заманауи диірмен кешенінде болып қайттым.

Ақтөбедегі голланд жылыжайының 5-буыны

Қазақстан аудандарына сапар барысында көптеген фермерлермен кездестім, оның ішінде жылыжайларда ауыл шаруашылық өнімдерін өңдірушілер жиірек. Жеміс өсіруде қандай жаңа технологиялар болуы мүмкін? Шын мәнінде аграрлық саладағы технологиялар жедел дамуда, мәселен бірнеше жыл бұрын заманауи жылыжайлар туралы жазған едім, ал қазір одан да жаңа технологиялар пайда болды.

Қостанайдағы ет алыбы

Қостанайға облыстың инвестициялық жобаларын көрсеткен «Kazakh Invest» ұлттық компаниясының пресс-турына келдім. Компания инвестициялық жобаларды «бір терезе» қағидаты бойынша идеядан іске асыруға дейін сүйемелдеуді, мемлекеттік қолдау шаралары туралы кеңес беруді, әлеуетті серіктестер туралы ақпаратты ұсынуды жүзеге асырады.

Би алаңының билеушісі

Тұла бойдың тыншысын бастыруға таптырмайтын жер. Жастар үшін. Дискотека. Кәтте музыканың арасынан аяқ-қолды еріксіз қозғап жіберетін музыканы таңдап, талғап беру дидижейлердің қолындағы дүние. Өзі диджей сөзі ең алғаш 1934 жылы американ комментаторы Уолтер Винчелдің аузынан шыққан. Бұл терминді ол алғашқы диджейге айналған радио жүргізушісі Мартин Блокқа қатысты айтқан көрінеді.

Ананың көңілі балада, баланың көңілі… помидорда

Әйгілі Роберт Земекистің 1994 жылғы «Форест Гампын» көрмегендеріңіз жоқ шығар. Сол жерде сахна бар еді. Бір қара нәсілді жігіт Форесттің зығырын шығарады ғой. «Менің анам асшаяннан тамақ пісіреді. Менің анамның анасы асшаяннан тамақ пісіреді.  Әжемнің анасы  да асшаянды жақсы көрген.  Негізі, біз тұқымымызбен асшаян жейміз» деп. Сол секілді, мен балаға суықпын. Менің әкем балаға суық. Оның әкесі де балаға суық. Атамның әкесі де балаға суық. Неге екенін білмеймін, бәріміз балаға суықпыз. Иә, біз тұқымымызбен сондай едік. 🙂

Дегенмен, жүрегіне мұз қатқан қатігез деп сөгуге асықпаңыз. Азамат болған соң, шаңырақ көтердік те, енді соның нағыз кульминациялық тұсы да жақындап қапты. Иә, жақында бөпелі болмақпыз, Алла қаласа.  Шынымды айтсам, бұған дейін «бала және мен» деген түсінік ешбір қиыспайтындай көрінуші еді. Күн өтіп, мезгіл таянған сайын әлгі жүректегі кейбір талшықтарға жан бітіп, сезімін қытықтай бастағандай ма. Әйтеуір болашақ бөпеңнің бойында маған тиесілі қан түйіршіктері мен ет-сүйектердің бөлшегі жүргенін сезгенде, түрлі сезімге түседі екенсің. Әкелік өтілі айтарлықтай болғандар білетін болуы керек. Иә, бұл бір керемет шоу болғалы тұр не десе де.:)

Сонымен, бала тақырыбына мына бір видеоны жан-жарымның қатысуымен алдым.  Өзіне де керегі сол. «Ертең бөпелі болмақсың, бұйырса. Сондықтан қазірден кішкентай кісілермен тіл табысып, сыр тартып көр» деп көрегендік танытқан түрім еді.  Әне-міне қол-аяғын бауырына алғалы отырған әйелімнің Блогиада шеңберіндегі құлшына атқарған еңбегіне баға беріп жіберіңіздер.

Дөңгелекті деградация

Онда күш десе күш (547 төрт аяқты тарпаңның күші), жылдамдық десе жылдамдық (сағатына 300 шақырымды аузыңызға сабан тістеп отырып бағындырасыз), көненің стилі, БМВ-ның моторы. Әрі сұмдық қымбат та емес – кәшәлогыңызда 50 мың еуро болса, жарар еді. Бірақ, осы айда тарихтың қатаң кубалдасы Wiesmann деген немістің суперкарын былш еткізіп соғып, бассүйегін шашты да тастады. Банкрот! Бітті! Енді оңбайды…

Шамасын білсең – шай, білмесең – жау…

Мен қай сусынды көп ішемін? Сусын деген тақырыпты берген сәттен бастап өзіме осы сұрақты қойдым. Су? Көп ішпейді екенмін. Лимонад? 2007 жылы жеңіл ақша іздеп, 2 күн Тараздағы лимонад зауытында жұмыс істеген тәжірибем бар. Зауыт деген аты…өте, жоқ өте әсірелеп айтып тұрмын, әйтпесе 3 кісі тұрып айнала алмайтын антигигиеналық қора болатын. Мен сироп тасимын. Біреу құяды. Келесісі қағазын желімдейді. Ал енді бір ноқалай (бастықтың туысы) жігіт баклашқаның басына қақпағын бұрайтын. Әр баклашқаны жабарда ішіне қақырынып бір түкіреді. Ыржиып, бізге қарайды. Біз де ыржиямыз (бастық туысы).